សម្តេចតេជោបញ្ជាក់ក្នុងសន្និសីទសារព័ត៌មាន ថា បើយោងលើស្ថានភាពកូវីដ ១៩ ដូចសព្វថ្ងៃនេះ គឺកម្ពុជាមិនដាក់ប្រទេសក្នុងភាពអាសន្ននោះទេ ។
សម្តេចតេជោបញ្ជាក់ថាការធ្វើច្បាប់ស្តីពីការគ្រប់គ្រងប្រទេសជាតិក្នុងភាពអាសន្ននោះគឺគ្រាន់តែត្រៀមឧបករណ៍នៅក្នុងដៃតែប៉ុណ្ណោះ ។ ការដាក់ប្រទេសក្នុងភាពអាសន្នលុះត្រាណាតែសភាពការណ៍គ្រប់គ្រងលែងបានតែប៉ុណ្ណោះ បើដូចកម្ពុជាសព្វថ្ងៃនេះ គឺមិនអាចដាក់ប្រទេសក្នុងភាពអាសន្នទេ។
ការដាក់ប្រទេសក្នុងភាពអាសន្ន គឺប៉ះពាល់ខ្លាំងណាស់ដល់សេដ្ឋកិច្ចជាតិ និងប៉ះពាល់ដល់សិទ្ធិពលរដ្ឋថែមទៀតផង ។ ក៏ប៉ុន្តែបើយោងលើស្ថានភាពជាក់ស្តែង គឺ កម្ពុជា ប្រហែលជាមិនទាន់ឈានទៅដល់ការដាក់ប្រទេសក្នុងភាពអាសន្ននៅឡើយទេ ។
