សត្វឆ្មាចិញ្ចឹមចំនួន ២ ក្បាលនៅរដ្ឋញូវយ៉ក បានធ្វើតេស្ត៍វិជ្ជមាន ចំពោះវីរុសនេះ ដែលត្រូវបានគេសម្គាល់ឃើញថា មានករណីដំបូងគេ ក្នុងសត្វឆ្មានៅសហរដ្ឋអាមេរិក ។
នាយកដ្ឋានកសិកម្ម សហរដ្ឋអាមេរិក និងមជ្ឈមណ្ឌលគ្រប់គ្រង និងការពារជំងឺសហព័ន្ធបាននិយាយថា សត្វឆ្មាដែលមានជំងឺខូវិត១៩ ហើយត្រូវបានគេរំពឹងថានឹងអាចជាសះស្បើយនោះ ត្រូវបានគេគិតថា បានឆ្លងវីរុសពីមនុស្សនៅក្នុងគ្រួសារ ឬមនុស្សក្នុងភូមិរបស់ពួកគេ ។
ការរកឃើញនេះ ធ្វើឡើងបន្ទាប់ពីមានការធ្វើតេស្តវិជ្ជមាន ទៅលេីសត្វខ្លានិងសត្វតោ មួយចំនួននៅសួនសត្វ ដែលមានករណីមួយចំនួន នៃវីរុសនេះត្រូវបានបញ្ជាក់នៅក្នុងសត្វទូទាំងពិភពលោក។
លោកវេជ្ជបណ្ឌិត Casey Barton Behravesh ជាមន្រ្តី CDC ដែលធ្វើការលើបណ្តាញសុខភាពមនុស្ស នឺងសត្វ បានមានប្រសាសន៍ថា “ យើងមិនចង់អោយមនុស្ស មានការភ័យខ្លាចខ្លាច សត្វចិញ្ចឹមសត្វរបស់ខ្លួន ឬក៏ប្រញាប់ប្រញាល យកសត្វចិញ្ចឹមទៅធ្វើតេស្តិ៍ទាំងនេះដែរ ” ។
លោកបណ្ឌិត Anthony Fauci ទីប្រឹក្សាវេជ្ជសាស្ដ្រកំពូល របស់សហរដ្ឋអាមេរិកទទួលបន្ទុក ការផ្ទុះឡើងនៃវីរុសនេះ បានកត់សម្គាល់នូវការប្រុងប្រយ័ត្នស្រដៀងគ្នានេះ បាននិយាយថា សត្វចិញ្ចឹមនិងវអាចឆ្លងវីរុសនេះ ប៉ុន្តែ“ មិនមានភស្តុតាងណាមួយដែលបញ្ជាក់ថាវីរុសនេះត្រូវបានចម្លងពីសត្វចិញ្ចឹមទៅមនុស្សទេ ” ។
ទោះយ៉ាងណាវេជ្ជបណ្ឌិត Casey Barton Behravesh មន្រ្តី CDC ដែលធ្វើការលើបណ្តាញសុខភាពមនុស្ស នឺងសត្វ កំពុងណែនាំឱ្យប្រជាជន រារាំងសត្វចិញ្ចឹមរបស់ពួកគេ មិនឱ្យទាក់ទងជាមួយមនុស្ស ឬសត្វនៅខាងក្រៅផ្ទះរបស់ពួកគេឡើង ដោយទុកឱ្យឆ្មានិងឆ្កែដាច់ដោយឡែកពីគ្នា ។
សត្វឆ្មានៅញូវយ៉ក ពីរក្បាល់បានធ្លាក់ខ្លួនឈឺ ប្រហែលមួយសប្តាហ៍បន្ទាប់ ពីមនុស្សម្នាក់ក្នុងគ្រួសាររបស់គាត់ មានជំងឺផ្លូវដង្ហើម ទោះបីជាជំងឺនេះមិនត្រូវបានបញ្ជាក់ថាជា Covid-19 ក៏ដោយ។
លោកស្រី Barton Behraveshបាននិយាយថា សត្វនេះបានចេញទៅក្រៅ ច្រេីនដងហើយប្រហែល ជាអាចទាក់ទងជាមួយ មនុស្សឬក៏សត្វដែលមានជំងឺ Covid-19 នៅក្រៅក្នុងតំបន់នោះ ។
ក្រុមមន្រ្តីបាននិយាយថា ម្ចាស់ឆ្មាទី២ បានយកឆ្មារបស់ខ្លួន ធ្វើតេស្តិ៍វិជ្ជមាន មុនពេលដែលឆ្មាឈឺ ។ ប៉ន្តែឆ្មាដទៃទៀត នៅក្នុងផ្ទះតែមួយ មិនបានបង្ហាញសញ្ញានៃជំងឺ Covid-19 នោះទេ។
មន្ត្រីបាននិយាយថារោគសញ្ញារបស់សត្វឆ្មារួមមានក្អកនិងហៀរសំបោរបន្តិច។
ភ្នាក់ងារបានផ្តល់អនុសាសន៍ថា ម្ចាស់សត្វចិញ្ចឹមណាដែលមាន Covid-19 ចៀសវាងការដាក់ សត្វឆ្កែខ្ជីខ្ជា ឬទាក់ទងផ្សេងទៀតជាមួយសត្វរបស់ពួកគេ តាមដែលអាចធ្វើទៅបាន រួមទាំងត្រូវតែពាក់ម៉ាស់ ការពារនៅពេលថែទាំពួកគេ។
