Alynana Media Cambodia

Banner ads header
Icon Collap
...
Home / ស្រូវអង្ករកម្ពុជានាពេលថ្មីៗនេះ បាននាំចេញអង្ករគ្រប់ប្រភេទជិត៥ សែនតោន

ស្រូវអង្ករកម្ពុជានាពេលថ្មីៗនេះ បាននាំចេញអង្ករគ្រប់ប្រភេទជិត៥ សែនតោន

ស្រូវអង្ករកម្ពុជានាពេលថ្មីៗនេះ បាននាំចេញអង្ករគ្រប់ប្រភេទជិត៥ សែនតោន
113   07-09-2020   3 weeks ago

សហព័ន្ធស្រូវអង្ករកម្ពុជានាពេលថ្មីៗនេះ បានបង្ហាញរបាយការណ៍នៃការសម្រេចលទ្ធផលនាំចេញអង្ករនៅក្នុងរយៈពេល៨ខែរាប់ពីខែ មករាដល់សីហា ឆ្នាំ២០២០។​ សហព័ន្ធស្រូវអង្ករកម្ពុជាបានបញ្ជាក់ពីគោលដៅទីផ្សារនាំចេញអង្ករសំខាន់ៗទាំង៤របស់កម្ពុជាក្នុងរយៈ៨ខែ ឆ្នាំ២០២០ ដោយបាននាំចេញអង្ករគ្រប់ប្រភេទសរុបចំនួន​ ៤៤៨,២០៣ តោន ដែលបានកើនឡើងជាង៣១% និងគិតជាទឹកប្រាក់មានចំនួន ២៩៩,៩០លានដុល្លារសហរដ្ឋអាមេរិក។ 

សហព័ន្ធស្រូវអង្ករកម្ពុជាបានបន្ថែមទៀតថា ត្រឹមរយៈពេល៨ខែនេះ កម្ពុជាបាននាំចេញទៅកាន់ប្រទេសចិនចំនួន ១៥៩,២៥៣ តោន ស្មើនឹង ៣៧%។ នាំចេញទៅសហគមន៍អុឺរ៉ុបបានចំនួន ១៤៩,៨៤៨ តោន ស្មើនឹង ៣៤%។ នាំចេញទៅបណ្ដាប្រទេសនៅក្នុងសមាជិកអាស៊ានបានចំនួន ៦០,៩៣៣​ តោន ស្មើនឹង ១៣% និងនាំចេញទៅបណ្ដាប្រទេសផ្សេងៗនៅលើពិភពលោកបានចំនួន ៧៨,១៦៩ តោន ស្មើនឹង ១៦%។ គួរបញ្ជាក់ផងដែរថា អង្ករគ្រាប់វែងដែលបាននាំចេញទៅសហគមន៍អុឺរ៉ុបអង្ករកម្ពុជាមានលំដាប់លេខរៀងទី២ បន្ទាប់ពីប្រទេសថៃដែលនៅលេខរៀងទី១លើកម្ពុជា។ កម្ពុជាបានកាន់កាប់ចំណែកទីផ្សារ ២៤,៤% ខណៈប្រទេសថៃបានកាន់កាប់ចំណែកទីផ្សារ២៩,៦%នៅបណ្ដាប្រទេសនៅសហគមន៍អុឺរ៉ុប។ បើនិយាយទីផ្សារនាំចេញទៅកាន់ប្រទេសចិន កម្ពុជាឈរជើងនៅលេខរៀងទី៥ បន្ទាប់ពីប្រទេស វៀតណាម មីយ៉ានម៉ា ប៉ាហ្គីស្ថាន និងប្រទេសថៃដោយបានកាន់កាប់ចំណែកទីផ្សារបានចំនួន ១១%។ 

ទោះជាយ៉ាងណាក្ដី សម្រាប់ខែ សីហា ឆ្នាំ២០២០នេះ ការនាំចេញអង្ករមានការធ្លាក់ចុះប្រមាណ ៣៤% បើធៀបនឹងរយៈពេលដូចគ្នាក្នុងឆ្នាំ ២០១៩។ ការធ្លាក់ចុះខ្លាំងគឺអង្ករស្រូវសែនក្រអូបបានធ្លាក់ចុះ ប្រមាណ៨៥,៧៨% ស្មើនឹង ២,៣៣៨តោន បើធៀបនឹងឆ្នាំ ២០១៩​មានចំនួន ១៦,៣៨៦ តោន។ សូមបញ្ជាក់ថា ការធ្លាក់ខ្លាំងនេះដោយសារកត្តា២យ៉ាងធំៗគឺ ទី១. ការប្រែប្រួលអាកាសធាតុបានធ្វើឱ្យស្រូវប្រាំងជួបនូវគ្រោះរាំងស្ងួន ហើយខូចខាតមួយចំនួនធំ។ ទី២. ការសម្រាកសងចូលឆ្នាំខ្មែរដែលលើកពីខែមេសា មកខែសីហានេះ បានធ្វើឱ្យប្រតិបត្តិការការងារមានការលឺតយ៉ាវដល់ការផ្គត់ផ្គង់ទីផ្សារផងដែរ។ ដើម្បីជា្របកាន់តែច្បាស់សូមពិនិត្យរបាយការណ៍របស់សហព័ន្ធខាងក្រោមនេះ ៖ 83C440CC-E507-41DC-A9CD-EC0B32B886B7

97EF1B08-17A2-48C0-A469-419BFEDB8948
D07DC638-4638-4DDA-9A61-71ACE9DDDB0E