Alynana Media Cambodia

Banner ads header
Icon Collap
...
Home / គម្រោងស្ថាបនាចំនួន៣៨ខ្សែក្នុងក្រុងសៀមរាប ត្រូវបានបើកការដ្ឋាន សាងសង់ជាផ្លូវការ

គម្រោងស្ថាបនាចំនួន៣៨ខ្សែក្នុងក្រុងសៀមរាប ត្រូវបានបើកការដ្ឋាន សាងសង់ជាផ្លូវការ

គម្រោងស្ថាបនាចំនួន៣៨ខ្សែក្នុងក្រុងសៀមរាប ត្រូវបានបើកការដ្ឋាន សាងសង់ជាផ្លូវការ
433   30-11-2020   10 months ago

គម្រោងស្ថាបនាហេដ្ឋារចនាសម្ព័ន្ធផ្លូវចំនួន៣៨ខ្សែក្នុងក្រុងសៀមរាប ខេត្តសៀមរាប ត្រូវបានបើកការដ្ឋាន សាងសង់ជាផ្លូវការ ក្រោមអធិបតីភាពដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា

3F34D8EE-CD93-4622-8DC3-D8F9DE57A08E

 ថ្ងៃចន្ទ ១៥កើត  ខែមិគសិរ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី៣០ ខែវិច្ឆិកា ឆ្នាំ២០២០ ឯកឧត្ដម ស៊ុន ចាន់ថុល ទេសរដ្ឋមន្រ្តី រដ្ឋមន្ដ្រីក្រសួងសាធារណការ និងដឹកជញ្ជូន បានអញ្ជើញអមដំណើរសម្តេច អគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ចូលរួមក្នុងពិធីបើកការ ដ្ឋានស្ថាបនាហេដ្ឋារចនាសម្ព័ន្ធផ្លូវចំនួន៣៨ខ្សែ ក្នុងក្រុងសៀមរាប ដោយមានការចូលរួមភ្ញៀវកិត្ដិយស ជាតិ-អន្ដរជាតិ សមាជិកសមាជិកានៃគណៈកម្មាការអន្តរក្រសួង ថ្នាក់ដឹកនាំមន្ដ្រីរាជការអន្តរក្រសួងទាំងអស់ រួមជាមួយមន្ត្រីរាជការ អាជ្ញាធរដែនដីខេត្តសៀមរាប និងបងប្អូនជនរួមជាតិទាំងអស់ផងដែរ។

CC39624E-7E00-4DFD-B751-CBCBF5387255

ថ្លែងទៅកាន់អង្គពិធីទាំងមូលនាឱកាសនោះ ឯកឧត្តមទេសរដ្ឋមន្ត្រី បានដឹងថា៖ ខ្សែផ្លូវសរុបទាំង៣៨ នេះមានប្រវែង១០៨,៧៤ គីឡូម៉ែត្រ គ្រោងប្រើប្រាស់ថវិកាជាតិសរុបប្រមាណ១៤០លានដុល្លារអាមេរិក (១៤០ ១៤៦ ៣០៥ ដុល្លារអាមេរិក) និងថវិកាប្រមាណជាង ៩លានដុល្លារអាមេរិកទៀត (៩ ០៧០ ២៩០ ដុល្លារអាមេរិក) សម្រាប់ការងារចាំបាច់ក្នុងការរៀបចំស្ថាបនាប្រព័ន្ធបង្ហូរទឹកភ្លៀង និងទឹកកខ្វក់ដែលនៅ ក្រៅគម្រោងសាងសង់ខ្សែផ្លូវទាំង៣៨នេះ។ គម្រោងនេះនឹងប្រើប្រាស់រយៈពេល ១៣ខែ ដែលគ្រោងនឹង បញ្ចប់ការសាងសង់នៅចុងឆ្នាំ២០២១ ខាងមុខនេះ។

ឯកឧត្តមទេសរដ្ឋមន្ត្រីបានបន្តថា៖ ដើម្បីធានាគុណភាពនៃការសាងសង់ផ្លូវទាំង៣៨ ខ្សែនេះឱ្យស្របនឹង បទដ្ឋាន និងលក្ខណៈបច្ចេកទេសតាមប្រភេទខ្សែផ្លូវនីមួយៗ គណៈកម្មការអន្តរក្រសួង បានសម្រេចបង្កើតក្រុមការងារត្រួតពិនិត្យ និងវាយតម្លៃការងាររបស់អ្នកទទួលការ និងមានក្រុមការងារត្រួតពិនិត្យបច្ចេកទេសអន្តរក្រសួងចំនួន៩ទៀត ជាសេនាធិការដែលមានភារកិច្ចប្រចាំការនៅតាមការដ្ឋាននីមួយៗ ផងដែរ។C5F90BF2-4734-49EF-B985-85E69A4E48AC

បន្ថែមពីលើនេះ ឯកឧត្តមទេសរដ្ឋមន្ត្រីបានបញ្ជាក់ថា៖ បើទោះបីកម្ពុជាបាននិងកំពុងជួបប្រទះបញ្ហាធំៗ ដូចជា៖ បញ្ហាការរីករាលដាលជំងឺកូវីដ-១៩ ការកាត់ផ្តាច់ផ្នែកខ្លះនៃការអនុគ្រោះពន្ធEBA បញ្ហាគ្រោះ មហន្តរាយ ធម្មជាតិ ទឹកជំនន់ ក៏ពិតមែន ប៉ុន្តែកម្ពុជានៅតែអាចឈរក្នុងភាពជាម្ចាស់ការដោយខ្លួនឯង បាន និងបានកសាងនូវសមិទ្ធផលជាច្រើនពាសពេញផ្ទៃប្រទេស និងមានការអភិវឌ្ឍរីកចម្រើនលើគ្រប់ វិស័យនិងបានបន្ថែមថា៖ ហេដ្ឋារចនាសម្ព័ន្ធផ្លូវចំនួន៣៨ខ្សែនេះ គឺជាសមិទ្ធផលថ្មីបន្ថែមទៀត បន្ទាប់ពីហេដ្ឋារចនាសម្ព័ន្ធផ្លូវនៅក្នុងខេត្តព្រះសីហនុ ដែលបាននិងកំពុងស្ថាបនាសាងសង់ឡើង ត្រៀមនឹងបញ្ចប់ ការសាងសង់នាពេលដ៏ខ្លីខាងមុខ។

ឆ្លៀតក្នុងឱកាសនេះផងដែរ ឯកឧត្តមទេសរដ្ឋមន្ត្រីបានស្នើឱ្យអង្គភាពទទួលការងារអនុវត្តគម្រោងទាំងអស់ ត្រូវប្រកាន់គោលជំហរនិងការប្តេជ្ញាចិត្តខ្ពស់ ប្រកបដោយស្មារតីទទួលខុសត្រូវ លើការងារស្ថាបនាហេដ្ឋារចនាសម្ព័ន្ធផ្លូវទាំង៣៨ខ្សែ និងការងាររៀបចំសាងសង់ប្រព័ន្ធបង្ហូរទឹកភ្លៀង និងទឹកកខ្វក់ដែលនៅក្រៅគម្រោងសាងសង់ខ្សែផ្លូវទាំង៣៨នេះ ដោយគោរពតាមបទដ្ឋានលក្ខណៈបច្ចេកទេស និងសៀវភៅបន្ទុកឱ្យបានត្រឹមត្រូវ ពិសេសត្រូវមានកម្មករ គ្រឿងចក្រ  និងឧបករណ៍សាងសង់ឱ្យបានគ្រប់គ្រាន់ ដើម្បីសម្រេចការងារនេះឱ្យបានឆាប់រហ័សតាមការគ្រោងទុក។3E2067BE-3D9B-4021-83FD-16AA8300B21B

ឯកឧត្តមទេសរដ្ឋមន្ត្រី ថ្លែងអំណរគុណយ៉ាងជ្រាលជ្រៅដល់ក្រសួង-ស្ថាប័នពាក់ព័ន្ធ អាជ្ញាធរដែនដី និងបងប្អូនប្រជាពលរដ្ឋដែលមានដីធ្លី ភូមិឋាន និងផ្ទះសម្បែងស្ថិតនៅជិតការដ្ឋានសាងសង់ ដែលបាន ផ្តល់កិច្ចសហការយ៉ាងល្អប្រសើរលើការងារដោះស្រាយផលប៉ះពាល់ ជំរុញឱ្យការបើកការដ្ឋានសាងសង់ អាចដំណើរការទៅបានដោយរលូន។

គួរកត់សម្គាល់ផងដែរថា៖ ទីក្រុងសៀមរាប បាននិងកំពុងប្រែក្លាយរូបរាងជាទីក្រុងទំនើប និងទេសចរណ៍ ដ៏មានសក្តានុពល ហើយត្រូវបានរាជរដ្ឋាភិបាលកម្ពុជាកំណត់ជាតំបន់ស្នូលនៃប៉ូលអភិវឌ្ឍជាតិ ជាគោល ដៅទេសចរណ៍វប្បធម៌ ប្រវត្តិសាស្រ្ត និងធម្មជាតិ ដែលមានសក្តានុពលសេដ្ឋកិច្ច សម្បូរបែប និងអាច ទាក់ទាញទេសចរណ៍ជាតិ និងអន្តរជាតិរាប់លាននាក់ ចូលមកទស្សនា ក្នុងមួយឆ្នាំៗ លើកលែងតែក្នុង អំឡុងពេលនៃការរីករាលនៃវីរុសកូវីដ-១៩ ជាសកលទូទាំងពិភពលោកនាពេលបច្ចុប្បន្នតែប៉ុណ្ណោះ។ 

E6261CE8-C611-42A5-A7A8-F2069B7797BF
គម្រោងនេះដើរតួនាទីជាហេដ្ឋារចនាសម្ព័ន្ធប្រទាក់ក្រឡាគ្នា តភ្ជាប់ទីប្រជុំជន ទៅជាយក្រុង និងតភ្ជាប់ទៅ កាន់តំបន់ទេសចរណ៍សំខាន់ៗ និងបណ្តាញខ្សែផ្លូវជាតិនានា សំដៅកាត់បន្ថយការកកស្ទះចរាចរណ៍ក្នុង ទីក្រុង ជំរុញកំណើនដឹកជញ្ជូន ទាក់ទាញវិនិយោគិន ធុរជន និងភ្ញៀវទេសចរជាតិ-អន្តរជាតិ រួមចំណែកដល់ការជំរុញកំណើនសេដ្ឋកិច្ចជាតិនៅក្រោយវិបត្តិនៃជំងឺកូវីដ-១៩។  ទាំងអស់នេះ គឺជាការគិតគូរគ្រប់ជ្រុងជ្រោយរបស់ប្រមុខរាជរដ្ឋាភិបាលយើង ក្នុងការលើកស្ទួយជីវភាពរស់នៅរបស់បងប្អូនប្រជាពលរដ្ឋ ជាពិសេសអ្នកសៀមរាប ឱ្យកាន់តែល្អប្រសើរឡើង ក៏ដូចជាលើកមុខមាត់ព្រះរាជាណាចក្រកម្ពុជា ឱ្យកាន់តែល្បីល្បាញលើឆាកអន្តរជាតិបន្ថែមទៀតផងដែរ។

ថ្លែងទៅកាន់អង្គពិធីទាំងមូល សម្ដេចតេជោនាយករដ្ឋមន្ត្រី បានមានប្រសាសន៍ថា៖ គម្រោងសាងសង់ខ្សែ ផ្លូវទាំង៣៨ខ្សែនេះ បាន និងកំពុងប្រែក្លាយជាទីក្រុងទំនើប និងទេសចរណ៍ដ៏មានសក្តានុពល ជាតំបន់ ស្នូលនៃប៉ូលអភិវឌ្ឍជាតិ ជាគោលដៅទេសចរណ៍ វប្បធម៌ ប្រវត្តិសាស្រ្ត និងធម្មជាតិ លើកកម្ពស់សោ ភ័ណភាពក្រុងសៀមរាបឱ្យស័ក្កិសមជាទីក្រុងទេសចរណ៍។ 

ក្រោយបញ្ចប់ការសាងសង់គម្រោងនេះ វានឹងដើរតួជាហេដ្ឋារចនាសម្ព័ន្ធប្រទាក់ក្រឡាគ្នា តភ្ជាប់ទីប្រជុំ ជនទៅជាយក្រុង និងតភ្ជាប់ទៅកាន់តំបន់ទេសចរណ៍សំខាន់ៗ និងបណ្តាញខ្សែផ្លូវជាតិនានា សំដៅកាត់ បន្ថយការកកស្ទះចរាចរណ៍ក្នុងទីក្រុង ជំរុញកំណើនដឹកជញ្ជូន ទាក់ទាញវិនិយោគិន ធុរជន និងភ្ញៀវ ទេសចរជាតិ-អន្តរជាតិ ដែលជាការរួមចំណែកក្នុងការជំរុញកំណើនសេដ្ឋកិច្ចជាតិឱ្យកាន់តែរីកចម្រើន លើកស្ទួយជីវភាពរស់នៅរបស់បងប្អូនប្រជាពលរដ្ឋ ជាពិសេសអ្នកសៀមរាប ឱ្យកាន់តែល្អប្រសើរឡើង ក៏ដូចជាលើកមុខមាត់ព្រះរាជាណាចក្រកម្ពុជា ឱ្យកាន់តែល្បីល្បាញលើឆាកអន្តរជាតិផងដែរ។

លើសពីនេះទៀត សម្ដេចនាយករដ្ឋមន្ត្រី បានគូសបញ្ជាក់ឱ្យដឹងផងដែរថា៖ថវិកាដែលនៅសល់ពីគម្រោង ស្ថាបនាហេដ្ឋារចនាសម្ព័ន្ធ៣៤ខ្សែនៅក្រុងព្រះសីហនុប្រមាណ៥លានដុល្លារសហរដ្ឋអាមេរិក នឹងត្រូវបង្វែរ មកកែលម្អធ្វើឱ្យប្រសើរឡើងដងស្ទឹងសៀមរាបប្រវែងជាង៨គីឡូម៉ែត្រដើម្បីលើកកម្ពស់សោភ័ណភាព បន្ថែមទៀតឱ្យស័ក្កិសមជាទីក្រុងទេសចរណ៍ វប្បធម៌ ប្រវត្តិសាស្រ្ដ និងធម្មជាតិ  ក៏ដូចជាដើម្បីជួយជំរុញដល់កំណើនសេដ្ឋកិច្ចជាតិនៅក្រោយវិបត្តិជំងឺកូវីដ-១៩ ត្រូវបានបញ្ចប់។

ដោយឡែក ទាក់ទងនឹងការឆ្លងរីករាលដាលមេរោគកូវីដ-១៩នៅក្នុងសហគមន៍នាពេលថ្មីៗកន្លងទៅនេះ សម្តេចតេជោនាយករដ្ឋមន្ត្រី បានដាក់ឈ្មោះព្រឹត្តការណ៍នោះថាជាសហគមន៍២៨វិច្ឆិកា ហើយចំពោះ គ្រួសារក្រីក្រ ដែលត្រូវមកធ្វើតេស្តរកមេរោគកូវីដ-១៩ ត្រូវទទួលបានថវិកាចំនួនពីរម៉ឺនរៀលផងដែរ៕