អាមេរិក គ្រោង នឹង ដាក់ ទណ្ឌកម្ម អ៊ីរ៉ង់ បន្ថែមជុំវិញការផ្តល់ជំនួយយោធាដល់ រុស្ស៊ី

សហរដ្ឋអាមេរិក គ្រោងនឹងប្រកាសដាក់ទណ្ឌកម្មអ៊ីរ៉ង់ជុំថ្មីបន្ថែមទៀត សម្រាប់ការបន្តផ្តល់ជំនួយយោធាដល់ប្រទេសរុស្ស៊ីឈ្លានពានខុសច្បាប់លើអ៊ុយក្រែន។

សេតវិមានបាននិយាយថា ខ្លួននឹងដាក់ទណ្ឌកម្មបន្ថែមលើអ៊ីរ៉ង់ ខ បង្កើនការប្រឆាំងនៅក្នុងយុទ្ធនាការរបស់ខ្លួនប្រឆាំងនឹងទីក្រុងតេអេរ៉ង់ សម្រាប់ការផ្គត់ផ្គង់ដល់ទីក្រុងម៉ូស្គូនូវអាវុធសម្រាប់សង្គ្រាមរបស់ខ្លួនលើអ៊ុយក្រែន។ អ្នកនាំពាក្យក្រុមប្រឹក្សាសន្តិសុខជាតិ លោក John Kirby បាននិយាយនៅពេលហៅទូរស័ព្ទជាមួយអ្នកសារព័ត៌មានថា “នៅក្នុងប៉ុន្មានថ្ងៃខាងមុខនេះ យើងនឹងប្រកាសអំពីការកំណត់បន្ថែមប្រឆាំងនឹងអ្នកដែលពាក់ព័ន្ធនឹងការកើនឡើងនៃពាណិជ្ជកម្មយោធារវាងរុស្ស៊ី និងអ៊ីរ៉ង់”។

លោក Kirby បានបន្ថែមថា ចាប់តាំងពីខែសីហាមក អ៊ីរ៉ង់បានផ្តល់ឲ្យរុស្ស៊ីនូវយន្តហោះគ្មានមនុស្សបើកសម្រាប់ការវាយប្រហារផ្លូវអាកាស ឬ UAVs ច្រើនជាង ៤០០ គ្រឿង។ “តាមរយៈការផ្តល់ឱ្យរុស្ស៊ីនូវ UAVs ទាំងនេះ អ៊ីរ៉ង់បាននិងកំពុងបើកដោយផ្ទាល់នូវសង្គ្រាមឈ្លានពានរបស់រុស្ស៊ីនៅអ៊ុយក្រែន”។ រាល់ការចោទប្រកាន់កន្លងមកនៃកិច្ចព្រមព្រៀងផ្តល់អាវុធ អ៊ីរ៉ង់និងរុស្ស៊ីបានច្រានចោលយ៉ាងដាច់ខាត៕