ក្រសួងធនធានទឹក និងឧតុនិយមបានឱ្យដឹងនៅព្រឹកថ្ងៃទី ២៨ ខែកញ្ញា ឆ្នាំ ២០២៣នេះថា បើទោះបីជាសម្ពាធទាបសកម្មបានអស់ឥទ្ធិពល ប៉ុន្តែភ្លៀងដែលបានធ្លាក់រាយប៉ាយក្នុងរយៈពេល ៣-៤ ថ្ងៃកន្លងមកនេះ មានបរិមាណច្រើន បង្កឱ្យផ្លូវទឹកមួយចំនួនក្នុងភូមិសាស្ត្រខេត្តកោះកុង កំពង់ស្ពឺ ពោធិ៍សាត់ បាត់ដំបង និងខេត្តប៉ៃលិនមានការកើនឡើងជាបន្តបន្ទាប់។
ជាមួយគ្នានេះ ក្រសួងធនធានទឹក និងឧតុនិយមក៏បានណែនាំឱ្យប្រធានមន្ទីរនៅតាមបណ្ដាខេត្តទាំង ៥ បង្កើនការយកចិត្តទុកដាក់តាមដានស្ថានភាពកម្ពស់ទឹក និងផ្សព្វផ្សាយឱ្យបានទាន់ពេលវេលា៕
